SHILINGI BILIONI 5.3 ZATOLEWA KUKABILIANA MABADILIKO YA TABIANCHI ZANZIBAR

Muonekano wa Fukwe ya Bahari.

..................................

Na Mwandishi Wetu

 

 Naibu Waziri Ofisi ya Makamu wa Rais (Muungano na Mazingira)  Khamis Hamza Khamis amesema kiasi cha Sh.Bilioni 5.3  zimetolewa kwa kipindi cha miaka mitatu kwa ajili ya utekelezaji wa miradi ya  inayohusu mazingira na mabadiliko ya Tabianchi Tanzania bara na  visiwani. 

Alisema Serikali imekuwa ikipokea fedha kutoka kwenye Mifuko ya Kimataifa ya Mazingira na mabadiliko ya Tabianchi ikiwemo Mfuko wa Mazingira wa Dunia (GEF) na Mfuko wa Mabadiliko ya tabianchi (GCF).

"Fedha hizo zinazotolewa zimekuwa zikitumika katika kutekeleza miradi mbalimbali ya hifadhi ya mazingira na mabadiliko ya tabianchi katika pande zote mbili za Muungano na kwa kiasi kikubwa zimesaidia kutekeleza Mradi wa Kurejesha Ardhi iliyoharibika na Kuongeza Usalama wa Chakula kwenye maeneo mbalimbali nchini" alisema Khamis.